Departamentu Saúde Animál

To’o iha tinan 2036, Departamentu Saúde Animál iha vizaun atu sai Sentru Exelénsia ba Saúde Animál iha Timor-Leste.

Departamentu ne'e iha misaun sira tuirmai:

1.     Prepara estudante sira ba vida profisionál ho padraun aas iha siénsia no teknolojia iha saúde animál.

2.     Avansa siénsia aplikada liuhusi edukasaun, peskiza, no servisu komunitáriu.

3.     Dezenvolve siénsia no teknolojia iha saúde animál hodi fó apoiu ba dezenvolvimentu nasionál.

4.     Enfrenta dezafiu atuál sira iha saúde animál liuhusi hanorin, peskiza no dezenvolvimentu ne'ebé integradu.

5.     Halo monitorizasaun ba ambiente no promove prátika sira saúde animál nian ne'ebé sustentável no ekolójiku.

6.     Suporta seguransa aihan liu husi hametin siensia no teknolojia iha saude animal.

7.     Promove auto-sufisiénsia iha indústria agro-nasionál no agro-komérsiu.

8.     Forma ema ho respeitu ba Maromak, nasaun, família, komunidade, no ambiente.

Kursu Baxarelatu Saúde Animál hamriik ho objetivu atu forma tékniku veterinariu ou paraveterinariu ne’ebé kompetente hodi servisu iha Timor Leste. Programa ne'e adopta aprosimasaun ida ne'ebé orientadu ba prátika, iha-ne'ebé estudante sira aprende atu hala'o prosedimentu klíniku no kampu nian enkuantu integra komprensaun ida kona-ba prinsípiu sientífiku sira. Bainhira kompleta, graduadu sira hein atu hala'o ho efetivu iha domíniu sentrál tolu:

1. Graduadu sira sei kontribui ba hadi’a produsaun animal ne’ebé modernu no lukrativu liuhusi kuñesimentu iha produsaun animál, bem-estar animál, nutrisaun, jestaun, no estensaun rurál. 
2. Graduadu sira bele identifika, prevene, no trata moras animál prinsipál sira.
3. Graduadu sira kontribui ba hadi'a saúde públika no moris di'ak komunidade nian liuhusi aplika kuñesimentu iha saúde públika.